Rəsmi Moskva: "Rusiya Azərbaycan və Ermənistan XİN rəhbərlərinin Milanda mümkün görüşünü alqışlayır"

Rəsmi Moskva: "Rusiya Azərbaycan və Ermənistan XİN rəhbərlərinin Milanda mümkün görüşünü alqışlayır"
13:52 22 Noyabr 2018
61 Ölkə
Ölkə mətbuatı
A- A+

Rusiya Azərbaycan və Ermənistan xarici işlər nazirlərinin 6-7 dekabrda Milanda ATƏT Xarici İşlər Nazirləri Şurasının iclası çərçivəsində mümkün görüşünü alqışlayır.

Milli.Az Trend-ə istinadən xəbər verir ki, bunu Rusiya Xarici İşlər Nazirliyinin (XİN) mətbuat xidmətinin rəhbəri Mariya Zaxarova brifinqdə deyib.

O deyib: "Əgər görüşün keçirilməsi barədə razılığa gələrlərsə, biz görüşün növbəti mərhələsini alqışlayarıq. Lakin belə görüşlərin keçirilməsi barədə qərar qəbul etmək hər bir dövlətin suveren hüququdur. Əgər bu görüş baş tutacaqsa, konstruktiv olacaq və bunu yalnız alqışlamaq olar".

M.Zaxarova Ermənistanın "hamının hamıya" prinsipi ilə Azərbaycanla əsirləri mübadilə etməkdən imtina etməsini də şərh edib:

"Biz münaqişənin nizamlanması istiqamətində əldə edilən istənilən razılaşmanı alqışlayırıq. Gərək hər iki tərəfin razılığı olsun. Buna görə də təşəbbüs [Azərbaycanın] əladır, lakin bunun razılaşma olması üçün üzərində işləmək lazımdır".

Milli.Az


Xəbərin orijinal ünvanı: https://news.milli.az/politics/706075.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR