Azərbaycan Ordusunun Naxçıvanda ən yaxşı zenit-raket artilleriya batareyası müəyyənləşib

Azərbaycan Ordusunun Naxçıvanda ən yaxşı zenit-raket artilleriya batareyası müəyyənləşib
17:32 30 Aprel 2019
100 Digər
Ölkə mətbuatı
A- A+

Azərbaycan Ordusunun Naxçıvanda “Ən yaxşı zenit-raket artilleriya batareyası” müəyyənləşib. 
Əlahiddə Ümumqoşun Ordunun Mətbuat xidmətindən "Report"a verilən məlumata görə, 2019-cu ilin döyüş hazırlığı planına əsasən Naxçıvan Qarnizonu qoşunlarında “Ən yaxşı zenit-raket artilleriya batareyası” adı uğrunda yarış keçirilib. Yarışa daşınan zenit raket komplekslərinin və 23 mm-lik zenit qurğularının heyətləri, eləcə də hava düşmənini təqlid edən Ordu aviasiyası cəlb edilib. Yarış zamanı şəxsi heyətin ixtisas hazırlığı üzrə praktiki bacarıqları və bilik səviyyəsi yoxlanılıb, normativlərin şərtinə uyğun fəaliyyətləri qiymətləndirilib.
Bundan başqa, Əlahiddə Ümumqoşun Orduda səhra şəraitində əsgərlərin yemək və su tələbatını ödəmək üçün təyin edilmiş arxa təminatı avtomobil texnika və qurğularına baxış-müsabiqəsi keçirilib, qaliblər müəyyənləşdirilib. Hərbi hissə və bölmələr baxış-müsabiqəsində səyyar soyuducular, səyyar tipli çörək zavodları, su çənləri, səhra mətbəxləri və digər ləvazimatlarla iştirak ediblər.


Xəbərin orijinal ünvanı: https://report.az/herbi/azerbaycan-ordusunun-naxcivanda-en-yaxsi-zenit-raket-artilleriya-batareyasi-mueyyenlesib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR