Azərbaycan FLORENSİYA SƏRGİSİNDƏ - Maraq böyükdür

Azərbaycan FLORENSİYA SƏRGİSİNDƏ - Maraq böyükdür
11:49 1 May 2019
72 Digər
Ölkə mətbuatı
A- A+

İtaliyanın Florensiya şəhərində keçirilən 83-cü Beynəlxalq Əl İşləri Sərgisində Azərbaycanın nümayəndə heyəti təmsil olunur.
 
Mədəniyyət Nazirliyindən Lent.az-a verilən məlumata görə, festivalda "Azərbaycan Xalq Yaradıcılığının 2018-2023-cü illər üzrə İnkişafına dair Strateji Fəaliyyət Planı"na müvafiq olaraq ölkəmizin mədəni sənaye məhsullarının stendi təşkil edilib.
 
Azərbaycan stendinin ziyarətçiləri ölkəmiz haqqında xoş təəsüratları olduqlarını, Azərbaycanda olmaq istədiklərini bildirdilər. Xüsusilə Respublikamızın ecazkar təbiəti, teatr-tamaşa və konsert zalları, qeyri-maddi mədəni irsimiz, folklorumuzla tanış olmaq istəyən qonaqlara Azərbaycanın qoşulduğu mədəni marşrutlar barədə məlumatlar verildi.
 
Qeyd edirik ki, ölkəmizin xalq tətbiqi-dekorativ və təsviri sənət məhsulları, həmçinin milli-mədəni irsimiz barədə təbliğat materiallarından təşkil olunmuş Azərbaycan stendi ziyarətçilərin böyük marağına səbəb olub.
 
Festival çərçivəsində  digər  iştirakçı ölkələrin təmsilçiləri ilə mədəni sənayenin inkişafı, xalq tətbiqi sənət nümunələrinin ixrac potensialı barədə təcrübə mübadiləsi aparılıb.
 
Ölkəmizin sənətkarlıq məhsullarının özünəməxsusluğu bu sahədə fəaliyyət göstərən şirkətlərin də marağına səbəb oldu. Belə ki, Roma Əl İşləri Sərgisinin prezidenti ölkəmizi qeyd edilən sərgiyə dəvət edib.
 
Bununla yanaşı digər ölkələrin nümayəndələri də xalq yaradıcılığı sahəsində əməkdaşlıq arzusunda olduqlarını bildiriblər.
 
Müxtəlif ölkələrdən olan qəzet və jurnal nümayəndələri, bloggerlər Azərbaycan mədəniyyəti barədə yazılar, materiallar hazırlayacaqlarını deyiblər.
 
Məlumat üçün bildiririk ki, sərgi 2 may tarixinədək davam edəcək.

Xəbərin orijinal ünvanı: http://news.lent.az/news/313123

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR