MOİK rəsmiləri Hərbi İdman Şurasının Baş Assambleyası və Konqresində

MOİK rəsmiləri Hərbi İdman Şurasının Baş Assambleyası və Konqresində
10:44 2 May 2019
67 Digər
Ölkə mətbuatı
A- A+

Aprelin 22-dən 30-dək Vyetnamın Xo Şi Min şəhərində Beynəlxalq Hərbi İdman Şurasının (CISM) 74-cü Baş Assambleyası və Konqresi keçirilib.
137 ölkənin üzv olduğu şuranın illik tədbirində Azərbaycanı Müdafiə Nazirliyinin Mərkəzi Ordu İdman Klubunun (MOİK) rəisi, polkovnik-leytenant Rəşad Quliyevin başçılıq etdiyi nümayəndə heyəti təmsil edib.
 
Müdafiə Nazirliyindən Lent.az-a verilən məlumata görə, MOİK rəsmiləri Baş Assambleya və Konqres çərçivəsində təşkil olunan debatlarda fəal iştirak edib, müəyyən məqamlarla bağlı toplanan təcrübəni bölüşüblər.
 
Qeyd edək ki, CISM dünya miqyaslı üçüncü hərbi idman təşkilatı, dünya səviyyəsində, qitələrarası və regional yarışları keçirən ən böyük idman təşkilatlarından biridir. Qurum 1948-ci il fevralın 18-də yaradılıb. Ali rəhbər orqanı hər il çağırılan Baş Assambleyadır. Qısa zaman ərzində fəaliyyətini genişləndirərək Beynəlxalq Olimpiya Komitəsi tərəfindən də tanınan şuranın məqsədi idman və fiziki məşqlər vasitəsilə iştirakçı ölkələr arasında daimi əlaqələr yaratmaqdır.

Xəbərin orijinal ünvanı: http://news.lent.az/news/313226

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR