Elmar Məmmədyarov Qananın xarici işlər naziri ilə görüşdü - FOTO

Elmar Məmmədyarov Qananın xarici işlər naziri ilə görüşdü - FOTO
12:03 2 May 2019
37 Digər
Ölkə mətbuatı
A- A+

5-ci Ümumdünya Mədəniyyətlərarası Dialoq Forumu çərçivəsində Azərbaycan Xarici İşlər nazirir Elmar Məmmədyarov Qana Respublikasının Xarici İşlər və Regional İnteqrasiya naziri Şirley Ayorkor Boçvey ilə görüşüb.

Xarici İşlər Nazirliyi Mətbuat xidmətindən Publika.az-a verilən məlumata görə, ölkəmizdə yenidən olmasından məmnunluğunu bildirən qanalı nazir tədbirin yüksək səviyyədə təşkilini xüsusilə qeyd edib.

Nazirlər iki ölkə arasında münasibətlərin inkişaf etdirilməsi istiqamətində fikir mübadiləsi aparıblar. Tərəflər insanlararası təmasların daha da artırılması məqsədilə qanalı tələbələrin Azərbaycanda təhsil imkanlarını müzakirə ediblər.

Görüşdə Azərbaycanın Afrika İttifaqı ilə əməkdaşlığı məsələləri də nəzərdən keçirilib.

Görüş zamanı habelə, qarşılıqlı maraq doğuran digər məsələlər müzakirə edilib.


Xəbərin orijinal ünvanı: https://publika.az/news/nida_xeber/277450.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR