"Qarabağ"dan ayrıldıqdan sonra karyeramı bitirməyi düşünürdüm"

"Qarabağ"dan ayrıldıqdan sonra karyeramı bitirməyi düşünürdüm"
12:57 13 İyun 2019
105 İdman
Ölkə mətbuatı
A- A+

Özümə də maraqlı idi ki, görəsən, karyeramı bitirim, yoxsa oynamağa davam edim. Çünki futbolla bağlı başqa maraqlı təkliflərim var idi.

Milli.Az qol.az-a istinadən xəbər verir ki, bu sözləri mövsümün sonunda "Qarabağ"dan ayrılan Yakub Jezniçak Polşa mətbuatına açıqlamasında deyib. Dünən Plotsk "Visla"sı ilə müqavilə bağlayan 32 yaşlı müdafiəçi sabiq klubu "Legiya"ya qayıtmamasının səbəbini açıqlayıb:

"Mənim də ümidim var idi ki, yenidən "Legiya"da oynayacağam. Məsələ 50/50-yə idi. Mən istəyirdim, görünür, onlar istəmədilər (gülür)".

2017-ci ilin yayında "Qarabağ"a gələn polşalı futbolçu həmin vaxt bu qərarının yerli ictimaiyyət tərəfindən təəccüblə qarşılandığını söyləyib: "Çoxları düşünürdü ki, yanlış seçim etmişəm və Azərbaycan futbolunda heç nə yoxdur. Amma reallıq göstərdi ki, orada vəziyyət daha yaxşıdır. "Qarabağ"da özümü əla hiss edirdim".

Jezniçak 2 illik "Qarabağ" karyerasından sonra futbolla vidalaşmaq istədiyini də istisna etməyib: "Azərbaycandan Polşaya qayıtdıqdan sonra karyeramı bitirmək barədə ciddi fikirləşirdim. Ancaq veteran futbolçularla söhbətlər məni fikrimdən daşındırdı. Onlar deyirlər ki, bacardığın qədər oyna, çünki bir də bu hissləri yaşamayacaqsan".

Milli.Az


Xəbərin orijinal ünvanı: https://news.milli.az/sport/762708.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR