Pakistan səfiri Bakı Ali Neft Məktəbində

Pakistan səfiri Bakı Ali Neft Məktəbində
14:22 18 İyun 2019
84 Ölkə
Ölkə mətbuatı
A- A+

Pakistan Islam Respublikasının Azərbaycan Respublikasındakı fövqəladə və səlahiyyətli səfiri Said Xan Mohmand Bakı Ali Neft Məktəbində (BANM) qonaq olub və Ali Məktəbin rektoru Elmar Qasımovla görüş keçirib.

Milli.Az xəbər verir ki, görüş zamanı BANM haqqında geniş məlumat verən rektor Elmar Qasımov iki ölkə arasında mövcud olan əlaqələrdən bəhs edərək təhsil sahəsində əməkdaşlığın vacibliyini xüsusi olaraq vurğuladı. Rektor bir pakistanlı tələbəyə Ali Məktəbin təqaüdünün verilməsini təklif edərək növbəti tədris ilindən etibarən BANM-də bu ölkənin tələbələrinin təhsil almalarından məmnun olacaqlarını bildirdi.

Səfir Said Xan Mohmand səmimi qəbula görə rektora öz təşəkkürünü bildirdi. O, Pakistan və Azərbaycanın qardaş dövlətlər olduğunu və iki ölkə arasında ikitərəfli münasibətlərin hər gün daha da inkişaf etdiyini qeyd etdi. Həmçinin səfir region üçün mühüm əhəmiyyət kəsb edən sahələr üzrə mütəxəssislər hazırlayan Ali Məktəbin gördüyü işləri və BANM tələbələrinin uğurlarını yüksək qiymətləndirdiyini vurğuladı.

Səfir hər iki ölkə arasında təhsil əlaqələrinin genişlənməsi istiqamətində səylə çalışdıqlarını bildirərək təqaüd təklifinə görə rektora təşəkkürünü bildirdi.

Sonda xatirə şəkli çəkdirildi.

Milli.Az


Xəbərin orijinal ünvanı: https://news.milli.az/educations/763945.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR