İrandan əzələ nümayişi - Yeni hərbi texnikasını təqdim etdi

İrandan əzələ nümayişi - Yeni hərbi texnikasını təqdim etdi
17:37 13 Avqust 2019
88 Dünya
Ölkə mətbuatı
A- A+

Avqustun 13-də İranın Müdafiə nazirinin iştirakı ilə yeni istehsal olunan hərbi texnikanın təqdimatı keçirilib.

Milli.Az AZƏRTAC-a istinadən bildirir ki, İranın müdafiə sənayesi "Rəəd" və "Əras" tipli zirehli avtomobili istehsal edərək Müdafiə Nazirliyinə təqdim edib. Mərasimdə çıxış edən İranın Müdafiə naziri general Əmir Xətami qeyd edib ki, bu hərbi maşınlar tam olaraq İranın milli istehsalıdır. Avtomobillərin heç bir detalı xaricdən gətirilməyib. Onun sözlərinə görə, bu zirehli maşınlar minaya düşərkən sıradan çıxmır. Səhralıq və bataqlıqda sərbəst hərəkət etmək imkanına malik olan avtomobillər İran ordusunun qüdrətini daha da artıracaq.

Xatırladaq ki, son dövrlər İran milli müdafiə sənayesi bir neçə hərbi texnika istehsal edərək orduya verib. Bunların arasında yeni radar və raket sistemləri də var.

Milli.Az


Xəbərin orijinal ünvanı: https://news.milli.az/world/777924.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR