Opera və Balet Teatrı yeni mövsümə hazırlaşır

Opera və Balet Teatrı yeni mövsümə hazırlaşır
01:15 6 Sentyabr 2019
Ölkə mətbuatı
A- A+

Bakı. Trend:

Sentyabrın 19-da Üz.Hacıbəylinin "Koroğlu" operasının tamaşası ilə Azərbaycan Dövlət Akademik Opera və Balet Teatrı 111-ci teatr mövsümünə başlayacaq.

Trend-in məlumatına görə, tamaşa Üzeyir Hacıbəyli XI Beynəlxalq Musiqi Festivalı çərçivəsində baş tutacaq.

Tamaşada Teatrın aparıcı solistlərindən əməkdar artistlər Afaq Abbasova (Nigar), Ramil Qasımov (Koroğlu), Cahangir Qurbanov (Həsən xan), Xalq artistləri Əli Əsgərov (İbrahim xan), Əkrəm Poladov (Alı kişi), Fidan Hacıyeva (Xanəndə qız), solist Taleh Yahyayev (Ehsan paşa) və b. çıxış edəcəklər. Tamaşanı Əməkdar artist, dirijorların beynəlxalq müsabiqələrinin laureatı Əyyub Quliyev idarə edəcək.

Eyni zamanda festival çərçivəsində həmçinin sentyabrın 21-də C.Puççininin "Bohema" operası, sentyabrın 22-də F.Əmirovun "Nəsimi" baleti, sentyabrın 28-də A.Adanın "Jizel" baleti, sentyabrın 29-da Üz.Hacıbəylinin "Leyli və Məcnun" operasının tamaşaları nümayiş olunacaq.

Yeni teatr mövsümündə Opera və Balet Teatrının tamaşaçılarını çox maraqlı layihələr - premyeralar, tanınmış opera və balet sənəti ulduzlarının iştirakı ilə tamaşalar gözləyir.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/culture/3114674.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR