“Facebook” sosial şəbəkəsi yenidən rəqabət mühitini boğmaqda ittiham olunur

“Facebook” sosial şəbəkəsi yenidən rəqabət mühitini boğmaqda ittiham olunur
11:57 7 Sentyabr 2019
60 Digər
Ölkə mətbuatı
A- A+

ABŞ-ın Nyu-York şəhərinin baş prokuroru Letitia James “Facebook" sosial şəbəkəsinin bazardakı üstünlüyü və bundan irəli gələrək rəqabət mühitini boğması ilə bağlı araşdırma aparacaq. 
“Report” bu barədə xarici mətbuata istinadən xəbər verir. 
Məlumat görə, L. James açıqlamasında "Facebook"un dünyanın ən böyük sosial şəbəkəsi olmasına baxmayaraq qanunlara riayət etməli olduğunu deyib. 
"Facebook”un rəqabətin qarşısını aldığını və istifadəçiləri təhlükə altında qoyub-qoymadığını araşdırmaq üçün yaradılan partiyalı baş prokurorluq koalisiyasının lideri olduğum üçün fəxr edirəm”, - deyə o, qeyd edib. 
Nyu-York prokurorluğunun təşəbbüsünü ABŞ bir sıra ştatlarının (o cümlədən Kolorado, Florida, Ohayo və s.) prokurorluqları dəstəkləyib. 
“Facebook” korporasiyasının vitse-prezidenti Vil Kastlberri isə bazarda rəqabətə davam gətirmək üçün atdıqları addımları müdafiə edib, ittihamçı tərəflə əməkdaşlıq etməyə hazır olduqlarını bildirib. 
Xatırladaq ki, ABŞ-ın Federal Ticarət Komissiyası ötən ilin iyul ayında "Facebook"un 5 milyard dollar cərimələmişdi. Həmin vaxt sosial şəbəkə şəxsi məlumatlardan qeyri-qanuni istifadəyə görə ittiham edilmişdi. 


Xəbərin orijinal ünvanı: https://report.az/i-kt/facebook-sosial-sebekesi-yeniden-reqabet-muhitini-bogmaqda-ittiham-olunur

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR