Netanyahunun işğal planı dünyanı AYAĞA QALDIRDI- Nazirlər təcili toplandı

Netanyahunun işğal planı dünyanı AYAĞA QALDIRDI- Nazirlər təcili toplandı
11:13 11 Sentyabr 2019
96 Dünya
Ölkə mətbuatı
A- A+

İsrailin Baş naziri Benyamin Netanyahunun seçki kampaniyası çərçivəsində Qərbi Şəriədəki İordaniya Vadisi və Ölü dənizin şimalının ilhaq edilməsi vədini verməsi dünyanı ayağa qaldırıb.

Publika.az xəbər verir ki, İsveçin Xarici işlər naziri Ann Linde İsrail liderinin vədini qınayıb.

SVT dövlət televiziyasına açıqlama verən nazir bildirib ki, həm Avropa İttifaqı, həm də beynəlxalq toplum bu vədin beynəlxalq hüquqlara zidd olduğunu söyləyir. Ön şərtlərin iki dövlətli həlli olması lazımdır.

Qeyd edək ki, daha əvvəl Ticarət naziri işləyən Ann Linde ailəsinə vaxt ayıra bilmədiyi üçün nazir postundan istefa verən Marqot Valströmün yerinə təyin edilib.

Bundan başqa, Ərəb Birliyi Xarici İşlər Nazirləri də Netanyahunun vədini sərt şəkildə qınayıb. Baş nazirin açıqlamasından sonra birliyin nazirləri Misirin paytaxtı Qahirədə fövqəladə toplantı keçirib. Toplantıda Netanyahunun açıqlaması təhlükəli adlandırılıb və bu yanaşmanın sülh prosesindəki hər hansı bir irəliləyiş şansını azaldacağı, bütün təməlləri yox edəcəyi qeyd olunub. Həmçinin, İsrailin hücumçu açıqlamalarının müşahidə ediləcəyi və lazımi qanuni tədbirlərin görüləcəyi diqqətə çatdırılıb.

Qınama aksiyasına Həmas da qoşulub. Fələstin hərəkatı baş nazirin açıqlamasını xalqa və torpaqlara düşmənlik siyasəti adlandırıb. Həmasın mətbuat katibi Fevzi Bəhrum yazılı açıqlamasında bildirib ki, Netanyahunun açıqlaması gerçəkləri dəyişdirməyəcək, Fələstin xalqının işğal və işğalın planları ilə mübarizə çərçivəsində göstərdiyi dirənişi dayandırmayacaq.

Xatırladaq ki, Benyamin Netanyahu yenidən seçiləcəyi təqdirdə qısa müddət içində Qərbi Şəriədə yerləşən İordaniya vadisini ABŞ hökuməti ilə koordinasiyalı şəkildə İsrailə ilhaq edəcəyini vəd etmişdi.

Zümrüd


Xəbərin orijinal ünvanı: https://publika.az/news/dunya/289879.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR