“Neftçi”nin prezidenti keçmiş işçisini polisə verdi

“Neftçi”nin prezidenti keçmiş işçisini polisə verdi
14:57 12 Sentyabr 2019
69 İdman
Ölkə mətbuatı
A- A+

"Neftçi"nin prezidenti Kamran Quliyev polisə müraciət edib.

Milli.Az qafqazinfo-ya istinadən xəbər verir ki, K.Quliyev sentyabrın 7-də Bakı Şəhər Baş Polis idarəsinə ərizə verərək keçmiş əməkdaşından şikayətçi olub. Klub prezidenti ərizəsində qeyd edib ki, bir müddət öncə klubun İT-şniki Kamran adlı əməkdaşı işdən çıxarıb. Həmin şəxs isə klubun veb səhifəsinin əsas idarəetmə panelini təhvil verməyib. Ona bir neçə dəfə bununla bağlı müraciət edilsə də, idarəetmə panelinin məlumatlarını verməkdən imtina edib.

Faktla bağlı araşdırma aparılır.

"Neftçi"nin mətbuat xidmətinin rəhbəri Rüstəm Allahverdiyev qafqazinfo-ya açıqlamasında məlumatı təsdiqləyib: "Həqiqətən, belə bir hadisə baş verib. Həmin şəxs bizim klubda əvvəllər işləyib. Gedərkən isə saytın loqin və parolunu heç kimə verməyib. İndi də deyir ki, pul verin loqin və parolu verək. Bu səbəbdən də klub adından həmin adamı hüquq-mühafizə orqanlarına şikayət etmişik".

Milli.Az


Xəbərin orijinal ünvanı: https://news.milli.az/sport/785547.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR