Özbəkistan Türk Şurasına üzv olmaq üçün müraciət edib

Özbəkistan Türk Şurasına üzv olmaq üçün müraciət edib
20:02 12 Sentyabr 2019
44 Digər
Ölkə mətbuatı
A- A+

Özbəkistan hökuməti Türkdilli Dövlətlərin Əməkdaşlıq Şurasının (TDƏŞ) üzvlüyünə daxil olmaq üçün rəsmi olaraq qurumun katibliyinə müraciət edib.
“Report” AA-ya istinadən xəbər verir ki, bu barədə Türkiyənin xarici işlər naziri Mövlud Çavuşoğlu bildirib.
O həmçinin Türkmənistan hökumətinin də TDƏŞ-ə müşahidəçi üzvlüyə qəbul olunmaq arzusunu, bununla bağlı Şuranın baş katibi Bağdad Amreyevin Aşqabada yollanacağını diqqətə çatdırıb.
Nazir TDƏŞ-in 16 oktyabr tarixində keçiriləcək növbəti zirvə görüşü ərəfəsində genişlənməsini müsbət səciyyələndirərək təşkilatın mühüm regional oyunçuya çevriləcəyinə ümidvar olduqlarını qeyd edib.
Bununla yanaşı, TDƏŞ-in ötən il keçirilən İssıq-göl sammitində Macarıstanın müşahidəçi qismində iştirak etdiyini xatırladan türkiyəli nazir sentyabrın 19-da Budapeştdə Şuranın xarici işlər nazirlərinin iştirakı ilə qurumun Avropa mərkəzinin açılacağını da bildirib.


Xəbərin orijinal ünvanı: https://report.az/region/ozbekistan-turk-surasina-uzv-olmaq-ucun-muraciet-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR