Heydər Əliyev Fondu Milli Qəhrəman Mübariz İbrahimovun atasının müalicəsini öz üzərinə götürüb

Heydər Əliyev Fondu Milli Qəhrəman Mübariz İbrahimovun atasının müalicəsini öz üzərinə götürüb
18:42 10 Oktyabr 2019
76 Digər
Ölkə mətbuatı
A- A+

Heydər Əliyev Fondu Azərbaycanın Milli Qəhrəmanı Mübariz İbrahimovun atası Ağakərim İbrahimovun müalicəsini öz üzərinə götürüb.
Bu barədə "Report"un Muğan bürosuna Ağakərim İbrahimovun oğlu Rəşad İbrahimov məlumat verib.

Onun sözlərinə görə, A.İbrahimov bu gün Bakı şəhərində ürəyindən əməliyyat olunduğu Mərkəzi Klinikadan evə buraxılıb və yaşadığı Biləsuvar rayonunun Əliabad kəndinə yola salınıb. 
"Bundan sonra onun müalicəsi ev şəraitində davam etdiriləcək. Hazırda atamın vəziyyəti yaxşıdır, rahat şəkildə yeriyir, gəzir. Atamın müalicə xərclərini Heydər Əliyev Fondu öz üzərinə götürüb", - deyə R.İbrahimov bildirib.
Qeyd edək ki, A.İbrahimov bir həftə əvvəl ürəyindən əməliyyat olunub.


Xəbərin orijinal ünvanı: https://report.az/sosial-mudafie/heyder-eliyev-fondu-milli-qehreman-mubariz-i-brahimovun-atasinin-mualicesini-oz-uzerine-goturub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR