Bu gün Nobel Sülh Mükafatı laureatının adı açıqlanacaq

Bu gün Nobel Sülh Mükafatı laureatının adı açıqlanacaq
08:53 11 Oktyabr 2019
63 Digər
Ölkə mətbuatı
A- A+

Bu gün 2019-cu il üçün Nobel Sülh Mükafatı laureatının adı açıqlanacaq.

Publika.az xəbər verir ki, laureatın adı Osloda baş tutacaq xüsusi tədbirdə rəsmi şəkildə elan ediləcək.

Bu mükafatı təsis etmiş Alfred Nobelin vəsiyyətinə görə Sülh Mükafatı sülhün bərqərar olması işində ən böyük müvəffəqiyyətlərə nail olmuş şəxsə verilməlidir, lakin son illərdə mükafat bu istiqamətdə işi aparan təşkilatlara da verilir.

Nobel Fondunun Nizamnaməsinə əsasən, laureatları Norveç parlamenti tərəfindən təyin edilən Norveç Nobel Komitəsi seçir. Namizədlərin seçilməsi prosesi və nominantların siyahısı ciddi sirr kimi saxlanır. Ənənəyə görə, Nobel Fondu seçim edilməsi üçün əsas olmuş sənədləri yalnız mükafatların təqdim edilməsi vaxtından 50 il sonra elan edə bilər.

Xatırladaq ki, 2018-ci ildə bu mükafata cinsi zorakılığın silah kimi və silahlı qarşıdurmalarda istifadəsinin sona çatdırılması uğrunda səylərinə görə insan hüquqları üzrə fəallar Denis Mukveqe və Nadiya Murad layiq görülüblər.


Xəbərin orijinal ünvanı: https://publika.az/news/elmvetehsil/292752.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR