Slovakiya yığmasının baş məşqçisi: "Azərbaycan müdafiədə yaxşı, kompakt oynadı"

Slovakiya yığmasının baş məşqçisi: "Azərbaycan müdafiədə yaxşı, kompakt oynadı"
02:37 20 Noyabr 2019
91 Digər
Ölkə mətbuatı
A- A+

"Oyun yaxşı başladıq. 100 faizli qol şanslarımız oldu. Azərbaycan müdafiədə yaxşı, kompakt oynadı. Birinci hissədən sonra komanda bir qədər inamsız görünürdü. Bəlkə də Uelsdəki oyunun nəticəsi ilə bağlı məlumat almışdılar".
"Report"un Trnavaya ezam olunmuş əməkdaşının verdiyi məlumata görə, bunu Slovakiya milli komandasının baş məşqçisi Pavel Hapal Azərbaycan yığmasına 2:0 hesabı ilə qalib gəldikləri AVRO-2020-nin seçmə oyunundan sonra mətbuat konfransında deyib.
Təcrübəli mütəxəssis Azərbaycan millisinin 81-ci dəqiqədə real qol şansından yararlana bilməməsinə diqqət çəkib: "Həmin anda rəqib hesab bərabərləşməyə çox yaxın idi. Lakin qapıçımızın inamlı oyunu onların sevinməsinə imkan vermədi. Daha sonra isə ikinci qolu vurmaqla görüşün taleyini həll etdik.
İlk yarıda Azərbaycan millisi elə də yaxşı çıxış etmədi. Amma fasilədən sonra buraxdığımız 1 səhv bizə baha başa gələ bilərdi. Lakin rəqib real qol epizodundan yararlana bilmədi".


Xəbərin orijinal ünvanı: https://report.az/futbol/slovakiya-yigmasinin-bas-mesqcisi-azerbaycan-mudafiede-yaxsi-kompa

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR