Play Store

Dünyada ən populyar əməliyyat sistemi hansıdır?

Dünyada ən populyar əməliyyat sistemi hansıdır?
14:35 12 Fevral 2018
Ölkə mətbuatı
A- A+

“StatCounter” servisinin məlumatına görə, “Windows 10” əməliyyat sistemi ilk dəfə “Windows 7” sistemindən daha populyar olub.

“ICTnews” Elektron Xəbər Xidməti “dailycomm.ru” saytına istinadən yazır ki, 2018-ci ilin yanvarında fərdi kompüterlərin (FK) 42,78%-i “Windows 10” sistemi ilə işləyib. Ötən ayla müqayisədə 1% irəliləyiş qeydə alınıb.

“Windows 7” platformasının bazar payı çox cüzi azalaraq 41,86% təşkil edib. Beləliklə, "Windows 10" sistemi ilk dəfə FK bazarında “Windows 7” sistemini ötməyə nail olub.

2017-ci ilin noyabrında “Microsoft” korporasiyası “Windows 10” əməliyyat sisteminin 600 milyon qurğuya quraşdırılması ilə bağlı məlumat vermişdi. “Windows 10” sistemi 2015-ci il iyulun sonunda ictimaiyyətə təqdim olunub. İlk gündə sözügedən əməliyyat sistemi 14 milyon qurğuya qurulub, 3 həftə sonra bu göstərici 53 milyon kompüterə bərabər olub. 2017-ci ilin mayında artıq 500 milyon FK “Windows 10” sistemi ilə işləyib.

Emil Hüseynov



Xəbərin orijinal ünvanı: http://ictnews.az/read-52882-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR