Play Store

Saatlıda zəhərlənən pambıqçıların sayı 24 nəfərə çatıb - Səhiyyə Nazirliyi

Saatlı rayonunda pambıq tarlasında kimyəvi dərmandan zəhərlənən işçilərin sayı 24 nəfərə çatıb.

Bu barədə Metbuat.az-a Saatlı rayon Mərkəzi Xəstəxanasından məlumat verilib.

Bildirilib ki, zəhərlənənlərdən 4-ü Bakıya göndərilib, 20 nəfər isə Saatlı rayon Mərkəzi Xəstəxanasına yerləşdirilib:

"Zəhərlənənlərdən 2 nəfərin səhhəti normallaşdığı üçün öz ərizəsi ilə evə - ambulator müalicəyə buraxılıb, 18 nəfər isə hazırda xəstəxanadadır. Xəstəxanada olanlardan iki nəfərin vəziyyəti narahat olduğu üçün müalicəsi davam etdirilir, 16 nəfərin vəziyyəti isə stabil və qənaətbəxşdir. Həmin 16 nəfər yəqin ki, günün sonuna kimi evə buraxılacaq".

Xəstəxanadan deyiblər ki, işçilərin zəhərlənməsinin səbəbləri də məlum olub: "Kimyəvi maddədən inqaliyasion zəhərlənmədir. Pambıq sahəsində alaq otları və başqa hansısa həşərata qarşı dərman vurulub. İşçilər də həmin sahədə zəhərləniblər".

Qeyd edək ki, iyunun 10-da axşam saatlarında Saatlı rayonunun Sımada kəndi ərazisində pambıq tarlasında işləyən şəxslər arasında kütləvi zəhərlənmə qeydə alınıb.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

RƏYLƏR

BU KATEQORİYADAN DİGƏR XƏBƏRLƏR