Play Store

Gürcüstanın yeni baş naziri bəlli oldu

Gürcüstanın yeni baş naziri hakim “Gürcü arzusu” partiyasının sədri Bdzina İvanişvili olmalıdır.

Metbuat.az azvision.az-a istinadən xəbər verir ki, Batumidəki “Gürcüstanın Avropaya yolu” konfransında çıxış edən Gürcüstan prezidenti Georqi Marqvelaşvili belə deyib.

“Əgər biz Avropadakı seçkilərdən, Avropa dövlətinin formalaşdırılmasından danışırıqsa, onu deyəcəm ki, Avropada baş nazirlər hakim partiyanın liderləridir. Bu mənada, əgər biz məsuliyətli siyasətdən, cəmiyyət üçün anlaşıqlı olan dövlət prosesinin formalaşdırılmasından danışırıqsa, Gürcüstandakı hakim partiyanın sədri Bdzina İvanişvili baş nazir olmalıdır.” – deyə Marqvelaşvili bəyan edib.

Gürcüstan prezidenti həmçinin, ölkədəki bütün siyasi qüvvələri Bdzina İvanişvilinin adını baş nazir postuna namizəd kimi irəli sürməyə çağırıb. Vurğulayıb ki, əvvəllər hökm sürən maskarada – təyin olunan vəzifəli şəxslər əvəzinə, reallıqda qərar verən qüvvənin partiya olduğu prosesə son qoyulmalıdır. Çünki bu, Gürcüstanın Avropaya doğru tutduğu istiqamətə, ölkənin sabitliyinə xələl yetirir.

Qeyd edək ki, son günlər Tbilisidəki kütləvi aksiyalarda etirazçılar prokurorluq və məhkəmələrin korrupsiyalaşdığını, hökumətin isə buna şərait yaratdığını və baş verənlərə göz yumduğunu bildirirdilər. Onlar baş nazir Georgi Kvirikaşvilinin istefasını tələb edirdilər.

Lakin istefa verməyəcəyini deyən Kvirikaşvilinin postunu qəfil tərk etməsi çoxlarında sual yaradıb. Georgi Kvirikaşvilinin özü isə etiraf edib ki, son aylarda hakim “Gürcü arzusu” partiyasının rəhbəri Bdzina İvanişvili ilə münasibətlərində ziddiyyətlər yaşanıb.

Qiyməti 100 min dollar olduğu deyilən böcək - SUMQAYITDA TAPILDI / Fotofakt - Oxumaq üçün tıkla


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR